Entre os sectores asociados á produción alimentaria galega destaca o cárnico, cuxa actividade xera un importante impacto económico no ámbito rural galego. Neste sentido, Galicia conta cunha cabana gandeira distinguida e apreciada polo resultado dunha alimentación de calidade, das melloras en materia xenética, da potenciación das razas autóctonas e da aplicación dos protocolos de sanidade animal existentes.
Porén, o potencial do sector é superior ao que actualmente se está a aproveitar. Con este convencemento, a Consellería do Medio Rural, a través da Agacal, traballa para analizar polo miúdo a situación actual do sector cárnico galego, detectar as súas posibilidades de mellora e establecer unha estratexia que permita suxerir as medidas a adoptar polos distintos axentes para garantir o seu mellor desenvolvemento futuro.
explotacións
valor produción carne e gando
empresas
cifra de negocios
postos de emprego
ASPECTOS POSITIVOS:
Boa imaxe dos produtos
cárnicos galegos
Recoñecemento e
notoriedade de marca a
nivel nacional
Riqueza da razas
autócnonas de aptitude
cárnica
Potencial de
crecemento vinculada a
más base territorial
ALGÚNS ASPECTOS A MELLORAR:
Excesiva atomización do sector industrial:
empresas pequenas e de carácter familiar
con pouca capacidade para vender fóra de
Galicia e baixa innovación
Concentración do poder de
mercado en poucas empresas
Problema de remuda xeracional
nas explotacións cárnicas e
baixa rendibilidade
Escaso peso das IXP no conxunto da
produción cárnica
Mala prensa
Dispersión xeográfica
Dificultade para xestión loxística conxunta.
Dificultade para compartir infraestruturas.
Pódese afirmar que o sector cárnico traballa arreo na mellora dos procesos, instalacións e o manexo, ademais de realizar innovacións na xestión de residuos. Porén, é necesario estudar novos patróns de consumo e como afrontar certas percepcións negativas da sociedade acerca dos métodos da produción e transformación da carne.
